Maagizo aliyotoa Rais Magufuli kwa Kamishna mpya wa Magereza

Rais wa Jamhuri ya Muungano wa Tanzania, Dkt John Pombe Magufuli, leo July 14, 2018 amemuapisha Kamishna Jenerali wa Magereza, Phaustine Martin Kasike. Tukio hilo limefanyika Ikulu jijini Dar es Salaam.

Maagizo Matano aliyoyatoa Rais Magufuli kwa Kamishna Kasike ili aende kutekeleza.

Agizo la Kwanza Rais amemtaka akahakikishie Wafungwa wanafuata taratibu za Magereza “Nataka ukasimamie taratibu za kazi Magereza na uchukue hatua. Sitaki mfungwa atumie simu gerezani” -Rais Magufuli 

Agizo la Pili amemtaka Kamishna akahakikishe Wafungwa hawavuti Bangi wala kuongea na simu “Wapo wafungwa wengine wanazungumza na simu hadi nje ya nchi na Viongozi wapo, sitaki kwenye Magereza wafungwa wapate nguvu ya kuvuta Bangi na kujamiana kwa sababu hawapati kazi za kutosha” Rais Magufuli

Agizo la Tatu “Kamishna nenda ukazikabili changamoto za Magereza, hakuna haja ya kuwa na tatizo la makazi. Watumieni wafungwa kujenga makazi na wafungwa mlionao wakipungua wasafirisheni wengine” Rais Magufuli

Agizo la Nne nanukuu “Unakuta mtu amefungwa, ameacha Mke wake huko nyumbani lakini anakuja mke wake kwenye gereza anakaribishwa na Askari wa Magereza akafanye mambo ambayo hakutakiwa kufanya akiwa gerezani” Rais Magufuli

Katika maagizo Rais ametoa pongezi ila zenye maagizo ndani yake “Kamishna nakupongeza lakini pongezi ni ndogo pole ndio kubwa, najua kuna askari watakuchukia kwa hatua utakazozichukua na usipozichukua wewe ndiye utakayenichukia” Rais Magufuli